ودي بك وابيـك وابـاك وابغـاك
جمّعتهـا لارضـاك واختـار فيهـا
شف ويش منها يتبع احكاك ورضاك
اللي لك اسقي مسمعك لا ضميهـا
غديت افر احكاي واساير احكـاك
انـا تشّـرف لكنتـي واهتويهـا
مضمونها ودي بشوفتـك واهـواك
اللي دروب اهل الردى مـا تجيهـا
صانك ولي امـرك وحبـك وداراك
ولا قـادر ردع الحظـوظ ومجيهـا
نفسك مهذبهـا وعـز الله اربـاك
يدري بأن جيـش الهيـام يغزيهـا
الله قسم يبلاك بـي وانـت يبـلاك
اللي سواتي فـي العـرب يرتجيهـا
محبةٍ ذربه مـن القلـب تكسـاك
محبـةٍ صـدق الهـوى يكتسيهـا
يامرك قلبك بالوفـا لـي وتنهـاك
ناسٍ علـى لامـاك تفـرك يديهـا
رزين عقل ومـن مزايـا مزايـاك
نفسك تحـب وعفتـك تمتطيهـا
تطيع عقلٍ مـا بعـد زل واغـواك
شاعرك لا تعصاه وانـت تعصيهـا
ما شفت منك الا عيونك ويمنـاك
محبـةٍ راع الـردى مـا يبيـهـا
ينبض فـوادي لا تخيلـت فرقـاك
اشف عيـنٍ مـا سـواك يعنيهـا
وياعزوة اخوانك ومطلب هذولاك
نـاسٍ محبـة والـدك تدعيـهـا
ناسٍ تخـدم ابيـك كلـه لعينـاك
هو يحسـب ان الله عليـه يهديهـا
ياجعلها تفدى على الارض ماطـاك
الله بمـن هـو مثلهـا يبتليـهـا
لكن لعـب بـي ياوليفـي تغّـلاك
نفسي غلاك من الصـدود يحديهـا
تبطي علـي وانـا هنـا واتحـراك
كبدي لواهيـب الصبـر تشتويهـا
اجمّع علومك مـن هنـاك وهنـاك
والله يا لولا تنشـرى لا اشتريهـا
وعذرك انا لاهي يا ويش اللي الهاك
ويش امر لاهي ماانت لاهي تليهـا
كانك مشكك في الوفا والغلا هااك
واليا قريـت القائمـه كـل ابيهـا
رقمك مع الصادر ولا وارد اسواك
الناس في اللـي لـم يـردد عليهـا
وايـاك وايانـي و ايانـي ايــاك
من غيبةٍ مـا دون عـذر يحميهـا
وســــــــلامتكم ...
الرئيسية 
