,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
ذكرتك والجروح اللي , من اسبابك بكت ذكراك
وبقى نفس السؤال المر , عساك انتي ذكرتيني ?
*******
ذكرت الموعد اللي فات ، من عمري على طرياك
وذكرت اني نسيت انساك، يوم انك نسيتيني
*******
يراودني الغرام اللي , رفض كل الدروب وجاك
وتكامل بالحضور العذب ، طيفك لو هجرتيني
*********
الاياغايبه عذرك ، خطاي وغلطتي اهـــواك
خطاك اكبر من اعذارك ، وعذرتك وان جرحتيني
*********
دخيل الله ، عليك الله ، وبعد الله، دخيل اشفاك
دخيــــل الشفه العليا , من السفلى عثت فيني
********
دخيلك يالعيون السود ، سحرك صابني وارضاك
جمع سحر اليمن واعمان ، يسري في شراييني
********
غزاني رمشك الفتان ، وكنه حارسن يرعاك
تثنــــا واشهر اسيوفه ، يحذر لاتدانـيني
********
انا ماكان في بالي ، غرام ولا هوى شرواك
وكفرت بمذهب اعيونك، وحسنك مايعنيني
********
ولكن الغريب اني ، هويتك والعمر يفداك
وغدا حبك على قلبي ، خطر للموت يدنيني
********
غديتي هاجس ايامي ، وحلمي شوفتك وارضاك
رهنت القلب لعيـــونك ، غرامن راسخن فيني
*********
انا اشهد انتي ام الشمس ، وورا حدب الضلوع ادراك
ولــــك صوره على قلبي ، وتشــرب من شراييني
*********
تبين الصدق ياحلوه ؟ , تـــرى والله لو القاك
لسوق النفس لعيونك ، ويرخص لك نظر عيني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
مع خالص تحياتي واشواقي
الرئيسية 
